«Урааным Манас» республикалык конкурс.

«Урааным Манас» республикалык конкурсу 2023-жылдын  8-майда  Военно-Антоновка мектеп-гимназиясында болуп өттү. Иш-чара  мыкты деңгээлде өткөрүлүп, Военно-Антоновка мектеп-гимназиясынын  мектеп жамааты жана окуучулар бир айга жакын даярданышып,  1000 окуучу жана мугалимдер катышты. Бул иш-чаранын негизги максаты улуттук баалуулуктарды  сактоо жана патриоттук сезимди өркүндөтүү, ошондой эле жаштарды мекенчил болууга тарбиялоо.  Бул иш-чарага Кыргыз улуттук  Манас театрынын  директорунун орун басары, манасчы Талантбеков Нурбек, Сокулук РБББнүн адистери, Военно-Антоновка айыл аймагынын башчысы Садыков Р.Т, айылдык кеңешинин төрагасы Мураталиев У.М.  катышып, мектеп жамаатына жана окуучуларга ыраазычылыгын билдиришти.

«Урааным Манас» иш-чарасын уюштурууда өз салымдарын кошкон: Военно-Антоновка орто мектеби, К. Шопоков атындагы №3 мектеп-лицейи, Гавриловка орто мектеби, Ново-Павловка №1,2 мектептери, Таң Чолпону борбору, Шопоков №1,2 мектептерине терең ыраазычылык билдиребиз.!